सार्थ ज्ञानेश्वरी अध्याय पहिला ॥अर्जुनविषादयोग॥ ओवी १०१ते ११०

अध्याय पहिला

🌈 सार्थ ज्ञानेश्वरी ओव्या

🌈 ॥अर्जुनविषादयोग॥

🌈 ओवी १०१ते ११०

⛳⛳⛳🌈🌞🌈⛳⛳⛳

🌷हा सुभद्रहृदयनंदनु । जो अपरु नवा अर्जुनु ।तो अभिमन्यु म्हणे दुर्योधनु । देखे द्रोणा॥१०१॥

✏  दुर्योधन द्रोणाचार्यास म्हणतो की तो पहा तो सुभद्रेच्या अंत:करणाला  आल्हाद  देणारा तिचा मुलगा प्रति अर्जुन  असा अभिमन्यु. 

🌷आणिकही द्रौपदीकुमर । के सकळही महारथी वीर।मिती नेणिजे अपार । मीनले आणि ॥१०२॥

✏  तसेच आणखी ही द्रौपदीकुमर आणि इतरही मुलगे, महारथी योद्धे ज्यांना  मोजणेही शक्य  होणार नाही.

🌈🎯🌈🎯🌈🎯🌈🎯🌈

🌻अस्माकं तु विशिष्टा ये तान् निबोध द्विजोत्तम।नायका मम सैन्यस्य संज्ञार्थं तान् ब्रवीमि ते॥ ७॥

अर्थ 👉 हे द्विजश्रेष्ठ आचार्य, आता आमच्या पक्षातले जे प्रमुख महारथी व माझ्या सैन्याचे जे अधिकारी आहेत, त्यातील काही नावे दिग्दर्शनार्थ मी तुम्हाला सांगतो, ती आपण ऐकावीत.

🌈🎯🌈🎯🌈🎯🌈🎯🌈

🌻भवान् भीष्मश्च कर्णश्च कृपश्च समिंतिंजय:।अश्वत्थामा विकर्णश्च सोमदत्तिस्थैव च॥८॥

अर्थ 👉 आपण स्वत:, भीष्मचार्य, कर्ण, जयशाली कृपाचार्य, अश्वत्थामा, विकर्ण, त्याचप्रमाणे सोमदत्तपुत्र भूरिश्रवा,

🌈🎯🌈🎯🌈🎯🌈🎯🌈

🌷आतां आमुचां दळीं नायक । जे रूढ वीर सैनिक।ते प्रसंगे आइक । सांगिजती ॥ १०३॥

✏  दुर्योधन  म्हणतो की आता आपल्या  सैन्यातील वीरांची  नावे पाहू.

🌷उद्देशें एक दोनी । जायिजती बोलोनी।तुम्हीआदिकरूनि । मुख्य जे जे॥१०४॥

✏  प्रथम द्रोणाचार्य  आणि आणखी जे जे मुख्य वीर आहेत  त्यांची नावे  सांगतो.

🌷हा भीष्मु गंगानंदनु । जो प्रतापतेजस्वी भानू ।रिपुगजपंचाननु । कर्ण वीरु॥१०५॥

✏  हे गंगानंदन भीष्म, जे शौर्याने आणि तेजाने प्रती सूर्य भासतात. हा माझा  मित्र  कर्ण जो शत्रूला  सिंहासारखा  वाटतो. 

🌷या एकेकाचेनि मनोव्यापारें । हे विश्व होय संहरे ।हा कृपाचार्य न पुरे ।एकलाचि ॥१०६॥

✏  या वीरांच्या एका संकल्पाने या पूर्ण  विश्वाचा संहार  होईल. फार  काय हे कृपाचार्य  तर एकटेच सर्वांना  पुरे आहेत. 

🌷एथ विकर्ण वीरु आहे । हा अश्वत्थामा पैल पाहें।याचा अडदरु सदा वाहे । कृतांतु मनीं॥१०७॥

✏  इथे आपल्याकडे विकर्ण  आणि अश्वत्थामा  असे  वीर आहेत की यमही त्यांना घाबरतो. 

🌷समितिंजयो सोमदत्ति । ऐसे आणिकही बहुत आहाती॥जयाचिया बळा मिती । धाताही नेणे॥१०८॥

✏  हा सौमदत्ती आणि असे बरेच वीर जे युद्धात कधीही  पराभूत झाले  नाहीत. 

🌈🎯🌈🎯🌈🎯🌈🎯🌈

🌻अन्ये च बहव: शूरा मदर्थे त्यक्तजीविता:।नानाशस्त्रप्रहरण: सर्वे युद्धविशरद:॥९॥

अर्थ 👉 आणखी इतरही अनेक वीर माझ्याकरता जिवावर उदार झालेले, नाना प्रकारच्या शस्त्रांनी संग्राम करणारे आणि सर्वही युद्धशास्त्राप्रमाणे प्रवीण असे आहेत.

🌈🎯🌈🎯🌈🎯🌈🎯🌈

🌷जे शस्त्रविद्यापारंगत । मंत्रावतार मूर्त।हो कां जे अस्त्रजात । एथूनि रूढ।१०९॥

✏  ज्यांच्या  शौर्याचा अंत ब्रह्मदेवालाही लागत नाही. असे कितीतरी वीर आहेत.

🌷हे अप्रतिमल्ल जगीं ।पुरता प्रतापु अंगी ।परी सर्व प्राणें मजचिलागी । आराइले असती ॥११०॥

✏ हे अती बलवान असले तरी, त्यांच्या अंगी प्रताप  भरलेला आहे तरी ते सर्वभावे ( तन मन धन ) मलाच साथ देणार आहेत. 

याप्रमाणे  दुर्योधन आपल्या सैन्यातील वीरांची नावे घेऊन स्तुती करतो आहे. 

हे सर्व  वर्णन संजय ऐकून, आपल्या राजाला, धृतराष्ट्राला सांगत आहे